LAYİHƏ MENECERİNİN KOMPETENSİYASI
Kompetensiyakompetensiya latın sözü ("competentia”) olub "mühakimə etməyə səlahiyyətli” , eləcə də "danışmağa hüququ olmaq” mənasını verir. Kompetensiya müəyyən funksiyaların müvəffəqiyyətli icrası üçün zəruri olan bilik, bacarıq, müvafiq təcrübə və şəxsi keyfiyyətlərin toplusudur. Layihə menecerlərinin kompetensiyası "IPMA Competence Baseline Version 3.0” beynəlxalq standartlarına əsaslanır. Kompetensiya 3 istiqamətdən ibarət "GÖZ Modeli”nə uyğun olaraq təyin edilir:
Texniki kompetensiya – layihə idarəçiliyi sahəsində əsas kompetensiya elementlərinin təsviri üçün nəzərdə tutulmuşdur. Bu istiqamət (bəzi hallarda "əsas tərkib hissə” də adlandırlır) layihə idarəçiliyinin əsas mahiyyətini əhatə edir. ICB 20 texniki kompetensiya elementlərindən ibarətdir.
Davranış kompetensiyası – layihə idarəçiliyi sahəsində kompetensiya elementlərindən istifadə etməklə şəxsi keyfiyyətlərin təsviri üçün nəzərdə tutulmuşdur. Bu istiqamət layihə menecerinin bacarıq və münasibətini əks etdirir. ICB 15 davranış kompetensiyası elementlərindən ibarətdir.
Kontekstual kompetensiya - layihə idarəçiliyi sahəsində layihənin konteksti ilə əlaqəli olan kompetensiya elementlərinin təsviri üçün nəzərdə tutulmuşdur. Bu istiqamət layihə menecerinin xətti idarəetmə növlü təşkilatlarla münasibətlərin qurulması barəsində biliklərini, eləcə də layihə tipli təşkilatda fəaliyyət qabiliyyətini əks etdirir. ICB 11 kontekstual kompetensiya elementlərindən ibarətdir.
| Texniki kompetensiya elementləri | Davranış kompetensiyasıelementləri | Kontekstual kompetensiya elementləri |
| 1. Layihə idarəçiliyinin müvəffəqiyyəti | 1. Liderlik | 1. Layihə yönümlülük |
| 2. Marağı olan tərəflər | 2. Öhdəlik və motivasiya | 2. Proqram yönümlülük |
| 3. Layihədə tələb və vəzifələr | 3. Özünü-idarə | 3. Portfel yönümlülük |
| 4. Risk və imkanlar | 4. Özünə-güvən | 4. LPP icrası |
| 5. Keyfiyyət | 5. Gərginliyin azaldılması | 5. Daimi təşkilat |
| 6. Layihə təşkilatı | 6. Səmimiyyət | 6. Sahibkarlıq |
| 7. Komanda işi | 7. Yaradıcılıq (Kreativlik) | 7. Sistemlər, məhsullar və texnologiyalar |
| 8. Problemlərin həlli | 8. Nəticə yönümlülük | 8. Heyətin idarə edilməsi |
| 9. Layihə strukturları | 9. Səmərəlilik | 9. Sağlamlıq, təhlükəsizlik, əmək və ətraf mühitin mühafizəsi |
| 10. İdeya və yekun nəticə | 10. Məsləhətləşmələr | 10. Maliyyə |
| 11. Vaxt və layihə fazaları | 11. Danışıqlar | 11. Hüquqi aspektlər |
| 12. Resurslar | 12. Münaqişə və böhranlar | |
| 13. Xərc və maliyyə | 13. Etibarlılıq | |
| 14. Təchizat və müqavilə | 14. Dəyərlərin qiymətləndirilməsi | |
| 15. Dəyişikliklər | 15. Etika | |
| 16. Nəzarət və hesabatlar | ||
| 17. Məlumat və sənədləşmə | ||
| 18. Kommunikasiya | ||
| 19. Layihənin işə salınması | ||
| 20. Layihənin bağlanması |
Əlavə kompetensiya elementləri:
Layihə idarəçiliyində informasiya texnologiyaları;
Layihə ofisinin yaradılması və idarə olunması;
Layihə idarəçiliyinin metodologiyası;
Şirkətin texniki yetkinlik modeli;
Layihə idarəçiliyində biznes proseslər;
Layihə-yönümlü təşkilatların inkişafı və onların strukturu.
